"ДЫНАМА-МІНСК" — "СМАРГОНЬ": ІНФАРМАЦЫЯ АБ МАТЧЫ

У суботу, 16 сакавіка, наша каманда адправіцца ў шматмесячнае падарожжа па дыстанцыі чэмпіянату краіны-2024 ў элітным дывізіёне. Стартаваць належыць дамашнім супрацьстаяннем са "Смаргонню". Супернікі пазмагаюцца на стадыёне "Дынама-Юні" (вул. Вышалескага, 4А) — стартавы свісток прагучыць у 17.00.

КВІТКІ

Кошт — 6-13 рублёў. Набывайце:

- праз анлайн-сервіс Ticketpro;

- у любым з пунктаў продажу кампаніі па ўсёй рэспубліцы;

- у фан-шопе васьміразовых уладальнікаў галоўнага нацыянальнага тытула на Нацыянальным алімпійскім стадыёне "Дынама" (вул. Кірава, 8/6, сектар D24; штодня з 11.00 да 20.00, перапынак — 15.00-16.00);

- у дзень паядынку — у касах на стадыёне "Дынама-Юні" (13.00-18.00).

Сектарам актыўнай падтрымкі гаспадароў (фанаты) з’яўляецца С3, для прыхільнікаў "Смаргоні" выдзелены В5.

Чакаем на трыбунах!

НАДВОР’Е

Паслязаўтра ў сталіцы будзе малавоблачна, верагодны кароткачасовыя ападкі — пры тэмпературы +8+10 градусаў.

ДОПУСК ЗАЎЗЯТАРАЎ

Уваход адкрыюць за паўтары гадзіны да пачатку сустрэчы — у 15.30.

ФОРМА

Войска Вадзіма Скріпчанкі прымерыць белыя майкі і трусы (брамнік — цалкам у чорным).

СУДДЗІ І АФІЦЫЙНЫЯ АСОБЫ

Прызначэнне на гульню атрымала брыгада арбітраў на чале з Сяргеем Лабацэвічам, асістэнтамі якога стануць Юрый Хомчанка (абодва — Віцебск) і Дзмітрый Загарэльскі (Орша). Чацвёрты суддзя — Арцём Ясель (Мінск).

Інспектар матчу — Вячаслаў Быкаў (Магілёў).

Дэлегат АБФФ — Сяргей Вітушка (Мінск).

ТРАНСЛЯЦЫЯ

У жывым эфіры за развіццём падзей можна сачыць праз тэлеканал "ЯСНАе TV", сайт abff.by і на Youtube-канале АБФФ (толькі для гледачоў з-за межаў Беларусі).