Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

БАТЭ — "ДЫНАМА-МІНСК": ІНФАРМАЦЫЯ АБ МАТЧЫ

4.03.2024

На гэтым тыдні прыхільнікаў футбола чакаюць адразу два беларускіх "класіка" — сталічныя дынамаўцы пазмагаюцца з барысаўскім БАТЭ ў межах 1/4 фінала нацыянальнага Кубка-2023/24.

Першы матч акажацца для нашай каманды гасцявым і адбудзецца ў сераду, 6 сакавіка, на стадыёне ФК "Мінск" па вул. Маякоўскага, 127/3. Стартавы свісток прагучыць у 18.00.

КВІТКІ

Кошт складзе ад 7 да 10 рублёў. Набывайце анлайн, у любым з пунктаў продажу Ticketpro па ўсёй краіне, а ў дзень паядынку — на самой арэне (з 16.45).

Для заўзятараў "Дынама" выдзелены сектар 7.

НАДВОР’Е

Паслязаўтра ўвечары ў Мінску будзе малавоблачна, без ападкаў. Слупок тэрмометра размясціцца ля адзнакі 0+2 градусы.

ФОРМА

Войска Вадзіма Скрыпчанкі згуляе ў белых майках і трусах (галкіпер — цалкам у чорным).

СУДДЗІ І АФІЦЫЙНЫЯ АСОБЫ

Сустрэчу абслужыць брыгада арбітраў на чале з Аляксеем Кульбаковым, асістэнтамі якога стануць Сяргей Цяслюк (абодва — Гомель) і Алег Маслянка (Брэст). Чацвёрты суддзя — Яўген Ясяновіч (Копішча).

Інспектар матчу — Георгій Вярбіцкі (Мінск).

Дэлегат АБФФ — Ілона Ткач (Мінск).

ТРАНСЛЯЦЫЯ

У жывым эфіры за развіццём падзей можна сачыць праз тэлеканал "ЯСНАе TV" і на сайце АБФФ.