Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
"Бела-сінія" цалкам выканалі сваю медыяпраграму перад паядынкам за Суперкубак Беларусі-2024.
Спачатку адбылася прэс-канферэнцыя з удзелам Вадзіма СКРЫПЧАНКІ і Максіма ШВЯЦОВА, а потым наша каманда выйшла на "сінтэтыку" салігорскага стадыёна "Шахцёр", дзе ўжо заўтра, 2 сакавіка, пазмагаецца з жодзінскім "Тарпеда"-БелАЗам.
Прадстаўляем увазе заўзятараў фатаграфіі з перадгульнявой трэніроўкі мінскага "Дынама".
