"ДЫНАМА-МІНСК" — "ШАХЦЁР": ІНФАРМАЦЫЯ АБ МАТЧЫ

У нядзелю, 19 мая, наша каманда прыкладзе максімум намаганняў, каб дабіцца станоўчага выніку ў межах чэмпіянату краіны-2024, — для таго патрэбна ўзяць верх у дамашнім супрацьстаянні з салігорскім "Шахцёрам". Супернікі пазмагаюцца на Нацыянальным алімпійскім стадыёне "Дынама". Пачатак у 20.00.

КВІТКІ

Кошт — 6-13 рублёў (у VIP-ложу 43 — 35). Набывайце:

- праз Ticketpro;

- у любым з пунктаў продажу кампаніі па ўсёй рэспубліцы;

- у фан-шопе на НАС "Дынама" (вул. Кірава, 8/6, сектар D24; штодня з 11.00 да 20.00, перапынак — 15.00-16.00).

У дзень гульні квіткі можна купіць у касах стадыёна — з 12.00 да 21.00.

Сектар актыўнай падтрымкі гаспадароў (фанаты) — С23, для прыхільнікаў "гарнякоў" выдзелены В12 і В13.

Увазе ўладальнікаў пашпарта заўзятара! Вазьміце яго з сабой і зафіксуйце візіт адмысловым штампам у фан-зоне — да стартавага свістка і паміж таймамі. Астатнім жа раім абзавесціся карыснай карткай, якая дазваляе разлічваць на прызы за наведванне матчаў мінскага "Дынама" ў родных сценах.

Дарэчы, ужо 19 мая тым, хто прысутнічаў на кожнай з пяці дамашніх дуэляў у гэтым годзе, уручаць падарункі!

НАДВОР’Е

Паслязаўтра ўвечары ў цэнтры сталіцы будзе малавоблачна, без ападкаў — пры тэмпературы +14+16 градусаў.

ДОПУСК ЗАЎЗЯТАРАЎ

Абодва ўваходы на тэрыторыю арэны з боку вул. Кірава адкрыюцца ў 18.30.

ФОРМА

Хлопцы Вадзіма Скрыпчанкі прымераць сінія майкі і трусы (брамнік — цалкам у чорным).

СУДДЗІ І АФІЦЫЙНЫЯ АСОБЫ

Прызначэнне на паядынак атрымала брыгада арбітраў на чале з Дзмітрыем Маркавым, асістэнтамі якога стануць Яўген Раманаў (абодва — Магілёў) і Аляксей Кавалёў (Асіповічы). Чацвёрты суддзя — Сяргей Клімашэўскі (Мінск).

Інспектар матчу — Анатоль Сяднёў (Магілёў).

Дэлегат АБФФ — Сяргей Ільіч (Мінск).

ТРАНСЛЯЦЫЯ

Жывы эфір цікавай сустрэчы дасяжны на тэлеканале "Беларусь 5".