Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
З’явілася поўная інфармацыя па матчах 1/4 фінала Кубка Беларусі-2023/24.
На гэтай стадыі наша каманда на чале з Вадзімам Скрыпчанкам згуляе з барысаўскім БАТЭ. У сераду, 6 сакавіка, — на полі суперніка. Стартавы свісток прагучыць у 18.00.
Паядынак у адказ адбудзецца ў нядзелю, 10 сакавіка, на стадыёне "Дынама-Юні" па вул. Вышалескага, 4А. Пачатак а 17-й гадзіне.
