Наступны матч Віцебск 20 верасня (20:00) (г)
Live
BLR
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

ПАВЕЛ МЯЛЁШЫН ПАПОЎНІЎ СКЛАД "БЕЛА-СІНІХ"

8.02.2024

Футбалістам мінскага "Дынама" стаў расійскі нападнік Павел МЯЛЁШЫН, які ўзят у арэнду да сканчэння гэтага сезона ў маскоўскага "Спартака".

Наш навабранец нарадзіўся 25 сакавіка 2004-га ў горадзе Шчолкава Маскоўскай вобласці. Выхаванец Акадэміі "чырвона-белых" (першы трэнер Віктар Пятровіч Кечынаў), дзе пачаў займацца ў шэсць гадоў. З лютага 2021-га выступаў за "моладзеўку", за асноўны склад дэбютаваў 30 жніўня 2022-га ў дамашняй кубкавай сустрэчы з самарскімі "Крыламі Саветаў" (1:0), прычым з’явіўся на полі ў "старце" і на 46-й хвіліне забіў адзіны ў той вечар мяч.

Ужо праз паўтары тыдні правёў першы паядынак у чэмпіянаце краіны — на выездзе супраць "Растова". А лік трапным стрэлам у межах РПЛ адкрыў 23 кастрычніка таго ж года, калі паразіў вароты "Хімак".

Усяго за галоўную каманду "Спартака" згуляў 25 матчаў, адзначыўся чатырма галамі (чэмпіянат — 11/1, Кубак — 14/3). Бронзавы прызёр чэмпіянату Расіі-2022/23.

Павел, ласкава вітаем у мінскім "Дынама"! Спадзяемся, гэтая супраца акажацца паспяховай і падорыць заўзятарам "бела-сініх" шмат яскравых пераможных імгненняў!