КВІТКІ НА МАТЧ "ДЫНАМА-МІНСК" — БАТЭ

Першы ў годзе афіцыйны дамашні паядынак будзе для падначаленых Вадзіма Скрыпчанкі надзвычай важным і прынцыповым — у нядзелю, 10 сакавіка, належыць прымаць барысаўскі БАТЭ ў сустрэчы ў адказ 1/4 фінала Кубка Беларусі-2023/24.

Гэта "класіка" адбудзецца на стадыёне "Дынама-Юні" (вул. Вышалескага, 4А) і пачнецца ў 17.00.

Квіткі на поўнае інтрыгі супрацьстаянне коштам 6-13 рублёў ужо можна набыць:

- анлайн праз сервіс Ticketpro;

- у любым з пунктаў продажу кампаніі па ўсёй краіне;

- у фан-шопе нашага клуба на Нацыянальным алімпійскім стадыёне "Дынама" (вул. Кірава, 8/6, сектар D24; штодня з 11.00 да 20.00, перапынак — 15.00-16.00).

У дзень матчу пакупайце квіткі ў касах на "Дынама-Юні" — з 13.00 да 18.00.

Адзначым, што сектарам актыўнай падтрымкі "бела-сініх" (фанаты) з’яўляецца С3, для заўзятараў БАТЭ выдзелены В5.

Дзейнічаюць такія ільготы:

- 40% — дзецям 6-18 гадоў;

- 50% — пенсіянерам і інвалідам II групы.

Бясплатна дамашнія гульні мінскага "Дынама" могуць наведваць ветэраны Вялікай Айчыннай вайны, ліквідатары аварыі на ЧАЭС, інваліды I групы і ўдзельнікі баявых дзеянняў у Афганістане, а таксама дзеці да 5 гадоў (без права заняцця месца).

Для актывацыі зніжак трэба прад’явіць дакумент, які пацвярджае асобу, і паказаць права на іх атрыманне (даведку з вучэбнай установы, студэнцкае, пенсіённае пасведчанне, дакумент аб інваліднасці і г.д.).

УВАЗЕ ЎЛАДАЛЬНІКАЎ АБАНЕМЕНТАЎ! Для вас выдзелены сектар А5 — займаць можна любое вольнае месца. Пры наведванні паядынку неабходна прад’явіць сезонную картку пры ўваходзе.