Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ГУЛЬЦЫ І ТРЭНЕРЫ "ДЫНАМА"-БДУФК — У ЛЯДЗЕНСКАЙ СЯРЭДНЯЙ ШКОЛЕ

9.02.2024

Прадстаўнікі наймацнейшага жаночага футбольнага клуба краіны папярэдніх чатырох гадоў наведалі сярэднюю школу ў вёсцы Ляды Чэрвенскага раёна.

У складзе дэлегацыі "Дынама"-БДУФК былі настаўнік Юрый МАЛЕЕЎ, яго асістэнт Руслан КАМЕЙША, брамнік Сафія МЯЦЕЛЬСКАЯ, абаронца Аляксандра ТАРАДУДА, хаўбекі Зарына КАПУСЦІНА, Ганна САС, Вольга КАПЫША. Кіраваў жа працэсам Заслужаны трэнер Рэспублікі Беларусь Анатоль УСЕНКА, у межах праекта якога "Футбол у кожным сэрцы" і прайшло мерапрыемства.

Сцэнар уключыў традыцыйныя хлеб-соль для пачатку, змястоўную і жывую размову гасцей з юнай аўдыторыяй у актавай залі. А самае цікавае, безумоўна, адбылося на спартовай пляцоўцы: актыўная размінка і міні-матч з мноствам галоў прынеслі ўдзельнікам мора станоўчых эмоцый.

Завяршылася насычаная праграма сумесным фатаграфаваннем і цёплым развітаннем з надзеяй на абавязковую новую сустрэчу.