ГУЛЬЦЫ "БЕЛА-СІНІХ" — ТРЫЎМФАТАРЫ "КУБКУ РАЗВІЦЦЯ"

У сталічным футбольным манежы завяршыўся юбілейны, 20-ы, міжнародны "Кубак развіцця", дзе за ўзнагароды змагаліся восем зборных, укамплектаваных хлопцамі не старэйшымі за 2007 год нараджэння.

Пераможцам традыцыйнага турніру аказалася галоўная каманда гаспадароў з квінтэтам гульцоў мінскага "Дынама" ў абойме. Гэта абаронца Павел АПЯЦЁНАК (пачынаў перадсезонку з асноўным складам), цэнтрбек Дзмітрый ЛЕВАНЦЮК і апорнік Арцём ГРАБЦЭВІЧ (працавалі з дублем), а таксама брамнік Кірыл БУЦЕВІЧ і яшчэ адзін прадстаўнік абарончай лініі Цімафей ХАМАНЬКО (выступалі за "бела-сініх" у юнацкім чэмпіянаце краіны-2023/24).

Група "А"

18.2. БЕЛАРУСЬ U17 — Азербайджан U16 — 2:0 (АПЯЦЁНАК правёў увесь матч, ГРАБЦЭВІЧ заменены на 41-й хвіліне, ЛЕВАНЦЮК — на 75-й)

20.2. БЕЛАРУСЬ U17 — Узбекістан U17 — 1:1 (АПЯЦЁНАК і ЛЕВАНЦЮК правялі ўвесь матч, ЛЕВАНЦЮК атрымаў папярэджанне, ГРАБЦЭВІЧ заменены на 71-й)

22.2. БЕЛАРУСЬ U17 — Расія U16 — 3:1 (АПЯЦЁНАК правёў увесь матч і атрымаў папярэджанне, ЛЕВАНЦЮК выйшаў на замену на 41-й хвіліне, ГРАБЦЭВІЧ — на 76-й)

Вынік. 1. БЕЛАРУСЬ U17 — 7. 2. Расія U16 — 4. 3. Узбекістан U17 — 3. 4. Азербайджан U16 — 1.

Фінал. БЕЛАРУСЬ U17 — Расія U17 — 2:1 (АПЯЦЁНАК і ЛЕВАНЦЮК правялі ўвесь матч, ГРАБЦЭВІЧ заменены на 56-й хвіліне).

Фота: vk.com/belarusff