Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Каляндар перадсезонных спарынгаў нашай галоўнай каманды папоўніўся яшчэ адной датай — у сувязі з пераносам на тыдзень пазней паядынку за Суперкубак Беларусі-2024.
У суботу, 24 лютага, падначаленыя Вадзіма Скрыпчанкі плануюць згуляць з першалігавым "Астраўцом" (11.00) і прысталічнай "Іслаччу" (17.00).
Абодва супрацьстаяння прыме стадыён "Дынама-Юні".
