"ТАРПЕДА"-БЕЛАЗ — "ДЫНАМА-МІНСК": ІНФАРМАЦЫЯ АБ МАТЧЫ

У пятніцу, 22 лістапада, падначаленых Вадзіма Скрыпчанкі чакае вельмі няпросты іспыт — належыць у Жодзіна змагацца з "Тарпеда"-БелАЗам у перанесеным паядынку 20-га тура беларускай найвышэйшай лігі-2024. Апаненты зарубяцца на стадыёне "Тарпеда" (вул. Дзеравянка, 5). Стартавы свісток прагучыць у 19.10.

Спадзяемся, вялікая колькасць заўзятараў знойдзе магчымасць аказаць максімальную жывую падтрымку нашай камандзе!

КВІТКІ

Кошт — 5 рублёў (для пенсіянераў — 1 рубль, для жанчын і дзяцей да 16 гадоў — уваход вольны).

Для прыхільнікаў сталічнага "Дынама" выдзелены сектары 9-11 Усходняй трыбуны.

НАДВОР’Е

Паслязаўтра ўвечары ў адным з найбуйнейшых цэнтраў айчыннага машынабудавання будзе пахмурна з ападкамі — пры тэмпературы каля нуля градусаў.

ФОРМА

Таблічны лідар згуляе ў сініх майках і трусах (галкіпер — цалкам у жоўтым).

СУДДЗІ І АФІЦЫЙНЫЯ АСОБЫ

Прызначэнне на сустрэчу атрымала брыгада арбітраў у такім складзе: галоўны — Віктар Шымусік, памочнікі — Аляксей Вайцяшонак (абодва — Асіповічы) і Аляксандр Банцееў (Бабруйск). Чацвёрты — Мікіта Кабак (Барысаў).

Інспектар матчу — Георгій Вярбіцкі.

Дэлегат АБФФ — Ігар Цаплюк (абодва — Мінск).

ТРАНСЛЯЦЫЯ

Жывы эфір цікавага супрацьстаяння значыцца ў сетцы вяшчання тэлеканала "ЯСНАе TV" плюс дасяжны на сайце abff.by.