Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Наша каманда скарочанай абоймай працягвае працаваць на базе ў Стайках. На павестцы — падрыхтоўка да выязной чэмпіянатнай гульні з жодзінскім "Тарпеда"-БелАЗам, якая адбудзецца ў пятніцу, 22 лістапада.
Прэс-служба "бела-сініх" прадстаўляе ўвазе заўзятараў відэа, дзе падрабязна расказваецца пра трэніровачны дзень падначаленых Вадзіма Скрыпчанкі.
Прыемнага прагляду!
