Наступны матч
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

БЕЗ ЖАДАНАЙ ПУЦЁЎКІ

19.11.2024

Зборная нашай краіны, укамплектаваная футбалістамі не старэйшымі за 2006 год нараджэння, завяршыла выступленні ў кваліфікацыі EURO’2025 U19. На жаль, заваяваць пропуск у элітны раўнд не атрымалася.

Ключывым аказаўся паядынак з гаспадарамі "пулькі" — харватамі, якія ўзялі верх дзякуючы двум вельмі спрэчным пенальці.

Каштоўным досведам гульні на міжнароднай арэне ўзбагаціўся квінтэт прадстаўнікоў мінскага "Дынама": абаронцы Міхаіл АЛЯКСАНДРАЎ, Павел АПЯЦЁНАК, Васіль ЧАРНЯЎСКІ, хаўбек Арцём САКАЛОЎСКІ, нападнік Трафім МЕЛЬНІЧЭНКА.

13.11. СЕРБІЯ U19 — БЕЛАРУСЬ U19 — 2:2 (АЛЯКСАНДРАЎ, АПЯЦЁНАК, ЧАРНЯЎСКІ правялі ўвесь матч, МЕЛЬНІЧЭНКА замянілі на 63-й хвіліне, САКАЛОЎСКАГА — на 81-й)

16.11. ХАРВАТЫЯ U19 — БЕЛАРУСЬ U19 — 2:0 (АЛЯКСАНДРАЎ, МЕЛЬНІЧЭНКА, САКАЛОЎСКІ правялі ўвесь матч, ЧАРНЯЎСКАГА замянілі на 67-й хвіліне, АПЯЦЁНАК быў выдалены на 96+-й за другое папярэджанне)

19.11. БЕЛАРУСЬ U19 — АРМЕНІЯ U19 — 3:1 (САКАЛОЎСКІ, ЧАРНЯЎСКІ правялі ўвесь матч, АЛЯКСАНДРАВА замянілі на 63-й хвіліне, МЕЛЬНІЧЭНКА выйшаў на поле на 70-й)

ВЫНІК. 1. Сербія — 7. 2. Харватыя — 6. 3. БЕЛАРУСЬ — 4. 4. Арменія — 0.

Фота: t.me/abffby