Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Зборная Беларусі, укамплектаваная хлопцамі не старэйшымі за 2004 год нараджэння, у наступную міжнародную паўзу абмяжуецца адным спарынгам — з барысаўскім БАТЭ ў нядзелю, 17 лістапада. Гульня пройдзе на полі з натуральным пакрыццём сталічнага КФП АБФФ і пачнецца ў 14.00.
Выклік атрымаў і адзіны футбаліст мінскага "Дынама" — брамнік Арцём КАРАТАЙ.
