УВАЗЕ ТЫХ, ХТО ПЛАНУЕ НАВЕДАЦЬ МАТЧ У РАЗГРАДЗЕ!
Інфармацыя для заўзятараў мінскага "Дынама", якія збіраюцца ўжывую падтрымаць каманду ў выязным паядынку 2-га кваліфікацыйнага раўнда Лігі чэмпіёнаў-2024/25 з балгарскім "Лудагорцам"!
Гульня адбудзецца ў сераду, 24 ліпеня, у Разградзе, на "Лудагорац Арэне". Пачатак у 21.00 па мясцовым часе (супадае з беларускім).
Кожнаму з ахвочых наведаць матч і назіраць за развіццём падзей з гасцявога сектара, у тым ліку непаўналетнім, трэба да 21.00 нядзелі, 21 ліпеня, даслаць свае персанальныя даныя праз размешчаную па спасылцы ніжэй google-форму. Тыя, хто папярэдне не зарэгіструецца, у гэты сектар не трапяць. Для праходу абавязкова спатрэбіцца дакумент, які засведчыць асобу.
Непаўналетнія маюць права наведвання паядынку толькі ў суправаджэнні законных прадстаўнікоў.
Колькасць месцаў абмежавана!
Майце на ўвазе, што ФК "Дынама-Мінск" не арганізуе выезд на матч у Балгарыі!
