Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

СТЭФАН АЛЬФРЭД — ЯШЧЭ АДЗІН НАВІЧОК НАШАЙ КАМАНДЫ

5.07.2024

Да складу мінскага "Дынама" далучыўся нігерыйскі нападнік Стэфан АЛЬФРЭД.

Наш навабранец нарадзіўся 11 кастрычніка 1997 года ў рэгіёне Курмі, што на паўднёвым усходзе краіны. Выхаванец Акадэміі ФК "Kurmi Star" (першы трэнер Якубу Бітрус).

У 2018-м перабраўся ў малдаўскі "Саксан" (Д2), дзе стаў найлепшым бамбардзірам каманды з 11 трапнымі стрэламі. Потым падпісаў кантракт з расійскім "Сочы" (Д2; 7 матчаў, 1 выніковая перадача), а летам 2019-га быў адданы ў арэнду ў армянскі "Пюнік", з якім, нагадаем, "бела-сінія" ўжо на наступным тыдні пазмагаюцца ў межах Лігі чэмпіёнаў-2024/25.

У абойме ерэванцаў правёў паўтары сезоны (21/2+2), у тым ліку чатыры разы з’явіўся на полі ў кваліфікацыі Лігі Еўропы-2019/20 — у супрацьстаяннях з македонскім "Шкупі", чэшскім "Яблонцам" і англійскім "Вулверхэмптанам".

У 2021-м выступаў за "Слуцк", дзе сабраў 15 балаў па сістэме "гол плюс пас" — 9+6 у 26 паядынках.

У далейшым цягам двух з паловай гадоў гуляў у Ізраілі — за "Хапаэль" з Хадэры (Д1; 41/8+1) і "Макабі" з Херцліі (Д2; 26/4+3).

Вітаем Стэфана ў дынамаўскіх шэрагах! Няхай гэты этап кар’еры атрымаецца максімальна паспяховым!