Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Ужо заўтра, 10 ліпеня, мінскае "Дынама" адкрые гульнявую праграму ў межах Лігі чэмпіёнаў-2024/25. Канкурэнтам у барацьбе за пуцёўку ў 2-і кваліфікацыйны раўнд турніру стане армянскі "Пюнік" з Ерэвана.
Гэты важны і цікавы паядынак пакажа тэлеканал "Беларусь 5". Жывая трансляцыя са стадыёна "Гарадскі" ў венгерскім Мезякёвешдзе пачнецца ў 21.45 па нашым часе.
