Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
У аўторак, 9 ліпеня, 45-ы дзень нараджэння адзначае генеральны дыректар нашага клуба Андрэй ТОЛМАЧ.
Паважаны Андрэй Валер’евіч! Дзякуем за ўсе намаганні, якія вы прыкладаеце для максімальна якаснага функцыянавання вялікай "бела-сіняй" гаспадаркі, зычым здароўя, шчасця, дабрабыту, пабольш пазітыўных эмоцый і яскравых перамог!
Са святам!
