"ДЫНАМА-МІНСК" — "ТАРПЕДА"-БЕЛАЗ: ІНФАРМАЦЫЯ АБ МАТЧЫ

У нядзелю, 21 красавіка, падначаленых Вадзіма Скрыпчанкі чакае яшчэ адзін паядынак найвялікшай ступені значнасці — зноў дамашні, на Нацыянальным алімпійскім стадыёне "Дынама". Гэтым разам змагацца належыць з жодзінскім "Тарпеда"-БелАЗам у межах 5-га тура айчыннага элітнага дывізіёна-2024. Пачатак у 16.00.

Не сумняваемся: наша каманда не застанецца без выдатнай падтрымкі трыбун!

КВІТКІ

Кошт — 6-13 рублёў. Пакупайце:

- праз Ticketpro;

- у любым з пунктаў продажу кампаніі па ўсёй рэспубліцы;

- у фан-шопе на Нацыянальным алімпійскім стадыёне "Дынама" (вул. Кірава, 8/6, сектар D24; штодня з 11.00 да 20.00, перапынак — 15.00-16.00).

У дзень супрацьстаяння квіткі можна набыць у касах стадыёна — з 11.00 да 17.00.

Сектар актыўнай падтрымкі гаспадароў поля (фанаты) — С23, для прыхільнікаў "Тарпеда"-БелАЗа выдзелены В12 і В13.

НАДВОР’Е

Паслязаўтра днём у сталіцы будзе воблачна, верагодны дажджы — пры тэмпературы +7+9 градусаў.

ДОПУСК ЗАЎЗЯТАРАЎ

Абодва ўваходы на тэрыторыю арэны з боку вул. Кірава адкрыюцца за дзве гадзіны да стартавага свістка — у 14.00.

ФОРМА

Васьміразовыя ўладальнікі галоўнага ўнутранага тытула выйдуць на газон у сініх майках і трусах (брамнік — цалкам у чырвоным).

СУДДЗІ І АФІЦЫЙНЫЯ АСОБЫ

Прызначэнне на гульню атрымала брыгада арбітраў на чале з Дзмітрыем Маркавым, асістэнтамі якога стануць Яўген Раманаў (абодва — Магілёў) і Аляксей Кавалёў (Асіповічы). Чацвёрты суддзя — Мікіта Шыян (Дзяржынск).

Інспектар матчу — Георгій Вярбіцкі (Минск).

Дэлегат АБФФ — Сяргей Жардзецкі (Хацежына).

ТРАНСЛЯЦЫЯ

Жывы эфір найважнейшага паядынку — на тэлеканале "Беларусь 5".