"ДЫНАМА-МІНСК" — "НАФТАН": ІНФАРМАЦЫЯ АБ МАТЧЫ

У нядзелю, 7 красавіка, наша каманда правядзе заключны гэтай вясной паядынак на стадыёне "Дынама-Юні" (вул. Вышалескага, 4А) — з наваполацкім "Нафтанам" у межах 3-га тура айчыннай найвышэйшай лігі-2024. Стартавы свісток прагучыць у 18.00.

Нагадваем пра магчымасць набыць пашпарт заўзятара, які гарантуе атрыманне прызоў пры наведванні дамашніх гульняў васьміразовых чэмпіёнаў Беларусі цягам сезона. А тых, хто ўжо мае карысную картку, запрашаем у фан-зону да пачатку і ў перапынку супрацьстаяння, каб задакументаваць свой візіт!

КВІТКІ

Кошт — 6-13 рублёў. Пакупайце:

- на Ticketpro;

- у любым з пунктаў продажу кампаніі па ўсёй рэспубліцы;

- у фан-шопе на Нацыянальным алімпійскім стадыёне "Дынама" (вул. Кірава, 8/6, сектар D24; штодня з 11.00 да 20.00, перапынак — 15.00-16.00).

У дзень змагання квіткі дасяжны ў касах на "Дынама-Юні" — з 14.00 да 19.00.

Сектарам актыўнай падтрымкі гаспадароў поля (фанаты) з‘яўляецца С3, для прыхільнікаў "Нафтана" выдзелены В5.

НАДВОР’Е

Паслязаўтра на захадзе сталіцы будзе сонечна і малавоблачна. Слупок тэрмометра прагрэецца да адзнакі +12+14 градусаў.

ДОПУСК НА АРЭНУ

Уваход адкрыюць у 16.30.

ФОРМА

Войска Вадзіма Скрыпчанкі выйдзе на "сінтэтыку" ў белых майках і трусах (брамнік — цалкам у чорным).

СУДДЗІ І АФІЦЫЙНЫЯ АСОБЫ

Сустрэчу абслужыць брыгада арбітраў на чале з Ігарам Шумілавым (Мінскі р-н), асістэнты — Антон Гусеў і Максім Арабей. Чацвёрты суддзя — Сяргей Клімашэўскі (усе — Мінск).

Інспектар матчу — Анатоль Сяднёў (Магілёў).

Дэлегат АБФФ — Сяргей Ільіч (Мінск).

ТРАНСЛЯЦЫЯ

Жывы эфір — на тэлеканале "ЯСНАе TV", сайце abff.by і на Youtube-канале АБФФ (толькі для гледачоў па-за межамі Беларусі).