Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Халодным восеньскім вечарам суботы, 19 кастрычніка, наша каманда сустрэлася са "Славіяй" у чэмпіянатным супрацьстаянні 25-га тура. І дзякуючы заслужанай перамозе 2:0 засталася на вяршыні табліцы розыгрышу найвышэйшай лігі-2024.
Прадстаўляем увазе заўзятараў атмасферны відэаролік па выніках матчу, размешчаны на афіцыйным Youtube-канале "бела-сініх".
Прыемнага прагляду!
