Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Сённяшні рабочы дзень мінскага "Дынама" ў Хельсінкі прайшоў на футбольным стадыёне, дзе ў чацвер, 24 кастрычніка, належыць змагацца з мясцовым ХІКам у паядынку 2-га тура агульнага этапу Лігі канферэнцый-2024/25.
Нашы хлопцы апрабавалі штучны газон у ходзе перадгульнявой трэніроўкі, стартавыя чвэрць гадзіны якой былі адкрытымі для СМІ.
