Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
У чацвер, 24 кастрычніка, "бела-сінія" працягнуць шлях у агульным этапе Лігі канферэнцый-2024/25.
Першым выязным супернікам стане фінскі ХІК. Матч адбудзецца на футбольным стадыёне ў Хельсінкі і пачнецца ў 22.00 па мясцовым часе (супадае з беларускім).
Айчынныя заўзятары ўбачаць гэта супрацьстаянне ў жывым эфіры — трансляцыю арганізуюць тэлеканал СТВ і сайт ctv.by.
