Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
У нядзелю, 6 кастрычніка, "бела-сінія" святкавалі чарговую перамогу ў межах айчыннай найвышэйшай лігі-2024. Гэтым разам у выязным супрацьстаянні 24-га тура адолелі салігорскі "Шахцёр" — 3:0.
Пастфактум галоўны трэнер нашай каманды Вадзім СКРЫПЧАНКА расказаў пра важнасць правільнай рэакцыі на няўдачу ў Азербайджане, аб адсутнасці недаацэнкі "гарнякоў" і заканамернасці выніку.
Прыемнага прагляду!
