Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Наступныя два паядынкі ў агульным этапе Лігі канферэнцый-2024/25 будуць для нашай каманды выязнымі: 24 кастрычніка належыць сустрэцца з фінскім ХІКам, 7 лістапада — з польскай "Легіяй".
ФК "Дынама-Мінск" паведамляе аб тым, што не арганізуе гасцявыя сектары на гэтых матчах, а таксама не аказвае садзеяння ў набыцці квіткоў на гэтыя гульні.
