Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Нядзельнае чэмпіянатнае супрацьстаянне мінскага "Дынама" і гарадзенскага "Нёмана" атрымалася вельмі напружаным, эмацыйным, багатым эпізодамі, якія з’явяцца нагодамі для далейшых абмеркаванняў. Але ў гісторыі, у любым выпадку, застанецца перамога "бела-сініх" — 2:1.
Прадстаўляем увазе заўзятараў відэаверсію пасляматчавай прэс-канферэнцыі галоўнага трэнера нашай каманды Вадзіма СКРЫПЧАНКІ.
Прыемнага прагляду!
