Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
У сувязі з пераносам на нявызначаны тэрмін беларускага "класіка" наша галоўная каманда апынулася перад пытаннем запаўнення гульнявой паўзы, якая ўзнікла напрыканцы гэтага месяца.
Рашэннем стала правядзенне кантрольнага супрацьстаяння — у суперніках першалігавы "Астравец".
Спарынг адбудзецца ў нядзелю, 27 жніўня, на запасным полі Нацыянальнага алімпійскага стадыёна "Дынама". Пачатак а 12-й гадзіне.
