Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Асацыяцыя "Беларуская федэрацыя футбола" зацвердзіла поўны расклад паядынкаў 21-га і 22-га тураў чэмпіянату краіны-2023 ў найвышэйшай лізе.
У нядзелю, 17 верасня, мінскае "Дынама" ў родных сценах прыме непасрэднага канкурэнта ў барацьбе за золата — гарадзенскі "Нёман". Пачатак у 18.30.
У суботу, 23-га, "бела-сінія" на выездзе пазмагаюцца з салігорскім "Шахцёрам". Стартавы свісток прагучыць а 21-й гадзіне.
