Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

"ДЫНАМА"-БДУФК — "МІНСК": 19 ЖНІЎНЯ Ў 17.00

16.08.2023

У суботу, 19 жніўня, адбудзецца галоўны паядынак лета ў айчынным жаночым футболе — у фінале нацыянальнага Кубка-2023 пазмагаюцца "Дынама"-БДУФК і "Мінск".

Даўнія прынцыповыя суперніцы вызначаць уладальніка трафея на полі АСК "Брэсцкі" ў паўднёва-захаднім абласным цэнтры. Стартавы свісток прагучыць у 17.00. Уваход вольны.

Нагадаем, што гэта дэрбі акажацца ўжо чацвёртым у годзе. У кожным з папярэдніх верх бралі нашы дзяўчаты: заваявалі Суперкубак краіны (1:1, па пенальці 4:2), перамаглі ў чэмпіянатных супрацьстаяннях (1:0, 2:1).

Каманда Юрыя Малеева згуляе ў блакітных майках і трусах (брамнік — цалкам у чорным).

Прызначэнне на сустрэчу атрымала брыгада арбітраў на чале з Антонам Лашуком, асістэнтамі якога стануць Юрый Харужэнка (абодва — Мінск) і Сяргей Касавец (Брэст). Чацвёрты суддзя — Вольга Блоцкая (Маладзечна). Інспектар матчу — Вячаслаў Быкаў (Магілёў). Дэлегат АБФФ — Ігар Цаплюк (Мінск).

Жывы эфір дасяжны на тэлеканале "Беларусь 5".