Наступны матч БАТЭ 25 лістапада (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

АЛЯКСЕЙ ГАЎРЫЛОВІЧ — ФУТБАЛІСТ "БЕЛА-СІНІХ"

3.08.2023

Кантракт з мінскім "Дынама" падпісаў 33-гадовы абаронца Аляксей ГАЎРЫЛОВІЧ.

Менавіта ў нашым клубе ўраджэнец Пінска і выхаванец мясцовай СДЮШАР-3 (першы трэнер Сяргей Сільвестравіч Пазняк) пачаў прафесійную кар’еру. За асноўны склад дэбютаваў 8 лістапада 2009-га — выйшаў на замену ў канцоўцы дамашняга паядынку найвышэйшай лігі з "Дняпром".

Цягам пары сезонаў стабільна выступаў за "бела-сініх", у 2012-м быў аддадзены ў арэнду ў "Нафтан", а ў наступным перабраўся ў "Гомель". Таксама ўпісаў у асабісты прафайл этапы ў "Слуцку" (2015), "Белшыне" (2016), брэсцкім "Дынама" (2016-18). Летам 2018-га вярнуўся ў абойму мінскіх дынамаўцаў, дзе правёў паўтары гады.

У 2020-м упершыню адправіўся за мяжу — у казахстанскі "Акжатпес". Пасля непрацяглай пабыўкі ў "Нёмане" (люты — чэрвень 2021-га) гуляў за расійскія "Чайку" з Пясчанакопскага (Д3; 2021-22) і астраханскі "Валгар" (Д2; 2022-23).

Уладальнік Кубка (2011/12, 2016/17, 2017/18) і Суперкубка краіны (2018). У складзе нашай каманды — бронзавы прызёр чэмпіянату-2018.

Удзельнік лонданскай Алімпіяды-2012. Мае ў актыве тры матчы за нацыянальную зборную Беларусі.

Аляксей, ласкава вітаем у родных пенатах! Няхай усё атрымаецца найлепшым чынам!