Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

АДБОР У АКАДЭМІЮ ФК "ДЫНАМА-МІНСК"

30.08.2023

Верасень — традыцыйны час адбора ў СДЮШАР "Акадэмія футбола ФК "Дынама-Мінск". Запрашаем хлопчыкаў і дзяўчынак 2015-18 гадоў нараджэння праявіць сябе кожную суботу месяца — з 2-га да 30-е. Збор на стадыёне "Дынама-Юні" па вул. Вышалескага, 4А — у 9.45, пачатак прагляду — у 10.00.

Пры сабе неабходна мець спартыўную форму і зручны абутак.

Навучанне ў Акадэміі бясплатнае, заняткі для малодшых узростаў праходзяць два-тры разы на тыдзень.

За дадатковай інфармацыяй можна звяртацца да трэнераў:

- хлопчыкі 2015 г.р. (Аляксандр Мікалаевіч Сабалеўскі, +375 29 678 00 50)

- хлопчыкі 2016 г.р. (Сяргей Паўлавіч Маслоўскі, +375 29 699 55 39)

- хлопчыкі 2017 г.р. (Дзмітрый Аляксандравіч Пархачоў, +375 29 602 77 27)

- хлопчыкі 2018 г.р. (Станіслаў Андрэевіч Шіраеў, +375 25 958 14 78)

- дзяўчынкі 2015-18 гг.р. (трэнер Юрый Веніямінавіч Расолька, +375 29 330 41 64)

Куратарам малодшага этапа падрыхтоўкі з’яўляецца Іван Рыгоравіч Гарбар (+375 29 872 48 24).

Акадэмія ФК "Дынама-Мінск" па выніках 2022-га заняла 16-е месца сярод найлепшых еўрапейскіх футбольных школ па рэйтынгу вядомай абсерваторыі CIES — і штогадова выпускае таленавітых гульцоў, якія папаўняюць склад як "бела-сініх", так і іншых клубаў айчыннага элітнага дывізіёна.