У ЮНАЦКІМ ЧЭМПІЯНАЦЕ-2023/24 — ШЭСЦЬ НАШЫХ КАМАНД

У выходныя стартуе юнацкі чэмпіянат Беларусі-2023/24. Вызначэнне прызёраў традыцыйна ажыццяўляецца ў чатырох узроставых катэгорыях. І ў кожнай ў ліку прэтэндэнтаў на медалі, безумоўна, акажуцца хлопцы з нашай Акадэміі.

U18 (2006 г.р.; дазваляецца ўносіць у заяўку на матч не болей шасці гульцоў 2005 г.р., прычым адначасова на полі могуць знаходзіцца не болей трох)

Трэнеры — Вячаслаў ЯРАСЛАЎСКІ, Віктар СОКАЛ, Павел РЫБАК.

Супернікі па групе "Усход": "Белшына" (Бабруйск), "Віцебск", "Гомель", "Днепр" (Магілёў), "Мінск", "Нафтан", СДЮШАР-3 "Дынама" (Мінск), "Славія" (Мазыр), "Тарпеда"-БелАЗ.

Фармат: кожны з кожным у два колы, топ-квартэт трапляе ў фінальны раўнд "А" з улікам ачкоў, заробленых у супрацьстаяннях адзін з адным.

Тур 1. 3 верасня. Нафтан U18 — ДЫНАМА-МІНСК U18.

U17 (2007 г.р.; дазваляецца ўносіць у заяўку на матч не болей шасці гульцоў 2006 г.р., прычым адначасова на полі могуць знаходзіцца не болей трох)

Трэнеры — Артур МУСТЫГІН, Міхаіл МУСТЫГІН.

Супернікі па групе "Захад": Акадэмія футбола АБФФ, "Баранавічы", "Хваля" (Пінск), "Дынама-Брэст", "Нёман" (Гродна), ЦФ (Брэст), "Шахцёр" (Салігорск).

Фармат: кожны з кожным у два колы, топ-квартэт трапляе ў фінальны раўнд "А" з улікам ачкоў, заробленых у супрацьстаяннях адзін з адным.

Тур 1. 2 верасня. ДЫНАМА-МІНСК U17 — Нёман U17. Стадыён "Дынама-Юні". Пачатак у 16.30.

U16 (2008 г.р.; таймы па 40 хвілін)

Тут "бела-сінія" прадстаўлены двума калектывамі, прычым абодва выступаюць у групе "Захад". "Дынама-Мінск" узначальваюць Руслан АЗАРОНАК і Ўладзіслаў БАРЫСЕНКА, "Дынама-Мінск"-2 — Міхаіл АЛЕКСІЕВІЧ.

Супернікі: "Арсенал" (Дзяржынск), "Хваля", "Дынама-Брэст", "Іслач" (Мінскі р-н), "Нёман", "Шахцёр".

Фармат: кожны з кожным у два колы, топ-квартэт трапляе ў фінальны раўнд "А" з улікам ачкоў, заробленых у супрацьстаяннях адзін з адным.

Тур 1

2 верасня. ДЫНАМА-МІНСК U16 — Нёман U16. Стадыён "Дынама-Юні". Пачатак у 14.30.

2 верасня. Іслач U16 — ДЫНАМА-МІНСК-2 U16. Стадыён БДПУ. Пачатак у 12.30.

U15 (2009 г.р.; таймы па 35 хвілін)

Таксама выстаўлена дзве каманды.

Супернікі "Дынама-Мінск" (трэнеры Ўладзімір ДЗЯТЛАЎ, Андрэй ДЗЯТЛАЎ) па групе 8: ДЮСШ (Дзяржынск), "Іслач", "Мінск-2", "Маладзечна-2018", СДЮШАР-3 "Дынама".

Апаненты "Дынама-Мінск"-2 (трэнер Міхаіл АЛЕКСІЕВІЧ) па групе 7: Акадэмія футбола АБФФ, "Мінск", РЦАР БДУ (Мінск), СДЮШАР МТЗ (Мінск), "Смаргонь".

Фармат: кожны з кожным у два колы, тыя, хто фінішуе на 1-м і 2-м месцах, трапляюць у найвышэйшую лігу, паядынкі якой адбудуцца вясной.

Тур 1

13 верасня. ДЫНАМА-МІНСК U15 — Мінск-2 U15. Стадыён "Дынама-Юні".

13 верасня. ДЫНАМА-МІНСК-2 U15 — Мінск U15. Стадыён "Дынама-Юні".