Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Наша галоўная каманда завяршае падрыхтоўку да аднаго з самых чаканых асенніх паядынкаў у календары айчыннага элітнага дывізіёна-2023 — у нядзелю, 17 верасня, належыць дома пазмагацца з гарадзенскім "Нёманам".
Прадстаўляем увазе заўзятараў відэа з адной з папярэдніх трэніровак "бела-сініх" на роднай базе ў Стайках.
Прыемнага прагляду!
