"ДЫНАМА-МІНСК" — "ГОМЕЛЬ": ІНФАРМАЦЫЯ АБ МАТЧЫ

У суботу, 30 верасня, на Нацыянальным алімпійскім стадыёне "Дынама" (вул. Кірава, 8/6) адбудзецца чарговы найцікавейшы паядынак чэмпіянату краіны-2023 ў элітным дывізіёне. Наша каманда прыме няўступлівы "Гомель", які ў папярэдніх шасці сустрэчах сабраў 16 ачкоў. Стартавы свісток у цэнтральным супрацьстаянні 23-га тура прагучыць у 20.00.

КВІТКІ

Кошт складае 5-10 (на трыбуны) і 30 (у VIP-ложу) рублёў — дасяжны для набыцця:

- праз Ticketpro

- у любым з пунктаў продажу гэтай кампаніі па ўсёй рэспубліцы

- у фан-шопе на Нацыянальным алімпійскім стадыёне "Дынама" (сектар D24, без выходных — з 11.00 да 20.00)

У дзень супрацьстаяння купляйце квіткі ў касах ля гістарычнай аркі арэны — з 12.00 да 21.00.

Для прыхільнікаў "Гомеля" выдзелены сектары В12 і В13.

НАДВОР’Е

Паслязаўтра ўвечары ў сталіцы будзе воблачна, чакаецца дождж. Слупок тэрмометра размясціцца ў адзнакі +14+16 градусаў.

ДОПУСК ЗАЎЗЯТАРАЎ

У 18.30 адкрыецца ўваход на стадыён праз гістарычную арку.

ФОРМА

Гаспадары поля прымераць сінія майкі і трусы (брамнік — цалкам у чорным).

СУДДЗІ І АФІЦЫЙНЫЯ АСОБЫ

Прызначэнне на гульню атрымала брыгада арбітраў з Брэста: галоўны — Сяргей Сцяцурын, памочнікі — Сяргей Касавец і Дзяніс Пашкевіч. Чацвёрты суддзя — Аляксандр Клімашэўскі (Мінск).

Інспектар матчу — Аляксандр Брайчэўскі (Ворша).

Дэлегат АБФФ — Святлана Грынкевіч (Мінск).

ТРАНСЛЯЦЫЯ

У жывым эфіры за развіццём падзей можна сачыць пры дапамозе тэлеканала "Беларусь 5". Гледачам з-за мяжы неабходна перайсці на Youtube-канал АБФФ.

ДУБЛЁРЫ

Рэзервовыя склады пазмагаюцца 27 кастрычніка.