Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Увечары нядзелі, 17 верасня, "бела-сінія" парадавалі армію ўласных заўзятараў, адолеўшы "Нёман" — 2:1 у межах 21-га тура чэмпіянату краіны-2023 ў элітным дывізіёне.
Пасля фінальнага свістка Маладзечненскі мясакамбінат узнагародзіў найлепшага гульца ў складзе мінскага "Дынама".
Аб’ёмісты мясны бокс атрымаў расійскі паўабаронца Данііл ЗОРЫН, які адзначыўся пераможным голам на 64-й хвіліне.
