Наступны матч БАТЭ 25 лістапада (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

СЯРГЕЙ ПАЛІЦЕВІЧ ВЯРНУЎСЯ Ў МІНСКАЕ "ДЫНАМА"

05.01.2023

ФК "Дынама-Мінск" рады паведаміць пра заключэнне кантракта з цэнтральным абаронцам Сяргеем Паліцевічам.

Навабранец "бела-сініх" нарадзіўся 9 красавіка 1990 года ў Лідзе. Выхаванец мясцовай ДЮСШ (першыя трэнеры Алег Равілевіч Урусаў, Іван Прохаравіч Прохараў).

У 2007-м дэбютаваў у айчыннай найвышэйшай лізе ў форме "Нафтана", у 2008-м перабраўся ў расійскія "Крылы Саветаў" з Самары, адкуль праз паўтары гады вярнуўся ў наваполацкі клуб.

У студзені 2011-га далучыўся да нашай каманды, дзе гуляў цягам пяці сезонаў і меў непасрэднае дачыненне да выхаду дынамаўцаў у групавыя раўнды Лігі Еўропы-2014/15 і -15/16. Увогуле правёў у складзе "бела-сініх" 173 афіцыйныя паядынкі, адзначыўся 11 галамі, станавіўся срэбраным (2014, 2015) і бронзавым (2012, 2013) прызёрам чэмпіянатаў краіны. У 43 матчах выводзіў партнёраў на поле з капітанскай павязкай на рукаве.

Потым зноў адправіўся за мяжу — выступаў за турэцкі "Генчлербірлігі" (2016-18) і казахстанскі "Кайрат" (2018-19). У 2020-м аформіў працоўныя адносіны з салігорскім "Шахцёрам", якому дапамог тройчы запар заваяваць чэмпіёнскі тытул.

З'яўляецца бронзавым прызёрам моладзевага EURO'2011, удзельнікам Алімпійскіх гульняў-2012.

Вітаем Сяргея і зычым, каб другі этап кар'еры ў нашым клубе аказаўся яшчэ больш паспяховым!