Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ПАМЁР МІХАІЛ МУСТЫГІН

27.01.2023

Сёння ноччу на 86-м годзе жыцця пасля працяглай хваробы памёр Міхаіл Міхайлавіч Мустыгін-старэйшы.

Невысокі, але вельмі тэхнічны і настырны нападнік абараняў колеры "бела-сініх" сем сезонаў (1962-68) — і здабыў славу выдатнага галеадора. Двойчы найлепшы бамбардзір чэмпіянатаў СССР (1962, 1967), разам з партнёрамі заваяваў бронзу чэмпіяната-1963, прабіўся ў фінал Кубка-1965. Быў уключаны ў спісы 33 найлепшых футбалістаў Савецкага Саюза (1963 — №2; 1967 — №3). У 1963, 1964 і 1966 гадах з'яўляўся капітанам каманды. Выклікаўся ў склад галоўнай зборнай СССР. Усяго ў дынамаўскай форме правёў 253 паядынкі, забіў 91 мяч.

Па сканчэнні гульнявой кар'еры доўга і паспяхова працаваў дзіцячым трэнерам, укладваючы ў падначаленых свой багаты досвед, перадаючы вялікую любоў да футбола. У ліку выхаванцаў Міхаіла Міхайлавіча, у прыватнасці, Ігар Гурыновіч, Ігар Крыўшэнка, Юрый Пунтус.

У апошнія гады па стане здароўя не прыходзіў на стадыён, але ўважліва сачыў за выступленнямі роднай каманды, у гісторыі якой назаўжды застанецца адной са знакавых фігур.

ФК "Дынама-Мінск" выказвае шчырыя спачуванні родным і блізкім Міхаіла Міхайлавіча...