Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Сённяшні рабочы дзень галоўнай каманды мінскага "Дынама" абмежаваўся адной трэніроўкай — хлопцы правялі паўтары гадзіны на лёдзе канькабежнага стадыёна культурна-спартыўнага комплекса "Мінск-Арэна".
"Бела-сінія", падзеленыя на некалькі груп, спаборнічалі ў "вясёлых эстафетах", гулялі ў "квадраты" і арганізавалі серыю міні-матчаў.
Найлепшыя кадры незвычайнага занятку — у фотагалерэі ад клубнай прэс-службы.
