WINLINE — ТЫТУЛЬНЫ ПАРТНЁР МІНСКАГА "ДЫНАМА"

З радасцю і гордасцю паведамляем, што ў сезонах-2023 і -2024 тытульным партнёрам галоўнай каманды мінскага "Дынама" будзе Winline, адна з найбуйнейшых кампаній Расіі.

Супраца двух вядомых брэндаў стартавала ў мінулым годзе і падаравала прыхільнікам "бела-сініх" мноства яскравых эмоцый. Падтрымка ад Winline дазволіла нашаму клубу, прынамсі, больш крэатыўна падыйсці да анансавання асобных дамашніх матчаў, арганізаваць дадатковыя зоны актыўнасці на родным стадыёне, раздачу бясплатных маек. Апроч таго, Winline даў сваё імя індывідуальным намінацыям — найлепшаму гульцу асноўнага склада па выніках кожнага месяца, года, а таксама аўтару найлепшага гола ў годзе.

Узаемавыгадная супраца атрымала лагічны працяг, прычым на якасна новым узроўні — з гэтага часу лагатып Winline упрыгожыць цэнтральную частку гульнявой формы "Дынама".

Аляксандр Запольскіх, дырэктар па маркетынгу Winline:
— Вельмі задаволены першым годам супрацы з мінскім "Дынама", у якім удалося сумесна рэалізаваць некалькі цікавых праектаў. У гэтым годзе ўжо ў статусе тытульнага партнёра зробім усё магчымае, каб кожны дамашні матч клуба быў яшчэ больш яскравым і запамінальным! Спадзяемся, пры падтрымцы заўзятараў "Дынама" зноў стане чэмпіёнам Беларусі!

Платон Дзмітрыеў, кіраўнік аддзела маркетынгу ФК "Дынама-Мінск":
— Велізарныя гонар і гордасць — супрацоўнічаць з такой вядомай і буйной кампаніяй. Winline з’яўляецца генеральным партнёрам Расійскай прэм’ер-лігі, партнёрам "Зеніта", "Спартака", "Краснадара". Вельмі рады, што пры выхадзе на беларускі рынак Winline зрабіў выбар на карысць футбольнага клуба "Дынама-Мінск". Мінулы год у плане супрацы атрымаўся паспяховым, а ў гэтым ставіцца задача зрабіць усё яшчэ лепш! Дзякуем Winline за давер і прыкладзем максімум намаганняў для таго, каб новы тытульны партнёр ганарыўся намі!