Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
У наступныя выходныя восем каманд стартуюць у жаночым чэмпіянаце Беларусі-2023. Яшчэ адзін матч — паміж дзейсным уладальнікам трафея "Дынама"-БДУФК і АБФФ WU19 — адбудзецца ў сераду, 22 сакавіка.
Перанос абумоўлены адпаведным хадайніцтвам суперніка ў інтарэсах дзявочай (WU17) зборнай краіны.
Матч прыме стадыён "Дынама-Юні". Пачатак а 16-й гадзіне.
