Наступны матч БАТЭ 25 лістапада (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

КВІТКІ НА МАТЧ "ДЫНАМА-МІНСК" — "ІСЛАЧ"

13.03.2023

У суботу, 18 сакавіка, "бела-сінія" стартуюць у элітным дывізіёне чэмпіяната Беларусі-2023 дамашнім супрацьстаяннем з прысталічнай "Іслаччу". Супернікі пазмагаюцца на стадыёне "Дынама-Юні" па вуліцы Вышалескага, 4А. Пачатак у 18.00.

Квіткі на матч коштам ад 5 да 10 рублёў ужо ў продажы!

Набывайце загадзя — праз анлайн-сервіс Ticketpro, у кропках рэалізацыі гэтай кампаніі па ўсёй краіне, а таксама ў афіцыйным клубным фан-шопе на Нацыянальным алімпійскім стадыёне "Дынама" (вул. Кірава, 8/6; з 11.00 да 20.00).

У дзень гульні квіткі можна купіць у касах на "Дынама-Юні" — з 15.00 да 19.00.

Звяртаем увагу, што для прыхільнікаў "Іслачы" выдзелены сектар В5.

Ільготы даюцца:

- дзецям да 5 гадоў — бясплатна (без права займання месца)

- дзецям ад 6 да 18 гадоў, студэнтам — 50% пры прад'яўленні дакумента

- пенсіянерам, інвалідам 2-й групы — 50% пры прад'яўленні дакумента

- ветэранам ВАВ, ліквідатарам ЧАЭС, інвалідам 1-й групы, воінам-інтэрнацыяналістам — бясплатна.

УВАЗЕ ЎЛАДАЛЬНІКАЎ АБАНЕМЕНТАЎ! Для вас выдзелены сектар А5 — займаць можна любое вольнае месца. Пры наведванні паядынка трэба прад'явіць сезонную картку пры ўваходзе.

Чакаем заўзятараў на трыбунах — гарачая падтрымка безумоўна дапаможа камандзе Вадзіма Скрыпчанкі ў дасягненні станоўчага выніку!