БРОНЗА НА ТУРНІРЫ "НАША БУДУЧЫНЯ"

Тры юнацкіх узросты "бела-сініх" паўдзельнічалі ў традыцыйным міжнародным турніры "Наша будучыня", які прымаў сталічны футбольны манеж.

Хлопцы 2015 года нараджэння пад кіраўніцтвам Станіслава Шыраева і Аляксандра Сабалеўскага ўзняліся на ніжнюю прыступку п'едыстала. Прычым маглі дабрацца і да вырашальнай стадыі, аднак у паўфінальным супрацьстаянні з землякамі-"кананірамі" аказаліся крыху меней удачлівымі ў серыі пенальці. Затое ў сустрэчы за бронзу разграмілі равеснікаў з "Мінска".

Папярэдні этап

ДЫНАМА-МІНСК: Калуга Сінія (Расія) — 2:4; Страла (Пскоў, Расія) — 5:0; Мінск 15 — 8:0; Шахцёр (Салігорск) — 3:1.
Вынік. 1. Калуга Сінія — 12. 2. ДЫНАМА-МІНСК — 9. 3. Страла — 6. 4. Шахцёр — 3. 5. Мінск 15 — 0.

1/2 фінала. ДЫНАМА-МІНСК — Арсенал (Мінск) — 4:4, па пенальці 0:2.

За 3-е месца. ДЫНАМА-МІНСК — Мінск — 6:2.

Бронзавыя медалі заваявалі Ігнат НІКАНОВІЧ, Максім СТАСЕВІЧ, Мікіта МІЛАШЭЎСКІ, Арцём ВІЛЬКОЦКІ, Максім КРЭСІК, Цімафей АЛЁХІН, Глеб ЖЭЧКА, Арцём СЛІЖЭЎСКІ, Міхаіл МАЛАХОЎСКІ, Ілля ШОСТАК, Раман ВАРАНКОВІЧ, Аляксандр ЗЫКАЎ, Антон БЕЛЬСКІ, Данііл БЫКОЎСКІ.

Прыз найлепшаму брамніку спаборніцтваў атрымаў Ігнат Нікановіч.

У катэгорыі "2014 год нараджэння" дынамаўцы фінішавалі 5-мі.

У групе "2013 год нараджэння" наш клуб быў прадстаўлены двума складамі. "Дынама-Мінск" заняла 17-е месца, "Дынама-Мінск 13" — 23-е.