АКТЫЎНАСЦІ НА МАТЧЫ "ДЫНАМА-МІНСК" — "ІСЛАЧ"

Ужо заўтра, 18 сакавіка, "бела-сінія" адправяцца ў шлях па дыстанцыі чэмпіяната Беларусі-2023 ў найвышэйшай лізе. Стартаваць належыць у родных сценах паядынкам з "Іслаччу". Пачатак бітвы на стадыёне "Дынама-Юні" — у 18.00.

Верым, што сур’ёзную дапамогу ў супрацьстаянні з няпростым апанентам нашай камандзе акажуць сваёй гарачай падтрымкай заўзятары! Чакаем усіх — і малых, і вялікіх — на трыбунах!

Доступ на тэрыторыю стадыёна (з боку вул. Вышалескага) адкрыюць у 17.00. Прыходзьце загадзя — і баўце час да гульні цікава!

СВЯТА СМАКУ АД МІТЭРЫІ CHUCK

Тут можна пачаставацца хот-догамі, мяснымі снэкамі, бульбай фры, гарачымі і халоднымі напоямі.

ЗОНА АКТЫЎНАСЦІ WINLINE

Зараджайцеся энергіяй пад рытмічную дыджэйскую музыку — і чакайце прыемных сюрпрызаў!

ПРОДАЖ КЛУБНАЙ АТРЫБУТЫКІ І СУВЕНІРНАЙ ПРАДУКЦЫІ

Перад стартам сезона варта купіць сабе што-небудзь з афіцыйнага мерча — гульнявыя майкі, байкі, шалікі, дарэчныя для цяперашняга надвор’я шапкі і рукавіцы, календары, вымпелы, нататнікі і шмат чаго іншага.

А таксама — матчавыя праграмкі, пра якія чытайце ніжэй.

РОЗЫГРЫШ МЯСНОГА БОКСА АД МАЛАДЗЕЧНЕНСКАГА МЯСАКАМБІНАТА

Хочаце атрымаць тыднёвы запас натуральных мясных далікатэсаў? Тады набывайце матчавыя праграмкі, кожнай з якіх дадзены ўнікальны нумар. У перапынку паядынка шчасліўчыка вызначыць лёсаванне.

ДЫНАМОША

Маскот "бела-сініх" з задавальненнем патусуецца, патанчыць, павесяліцца з юнымі заўзятарамі.

ФАТАСЕСІЯ ТОП-БЛОГЕРАЎ

У перапынку матча Герман Эль Класіка, Пракоп і Млечны — зоркі самай папулярнай медыяфутбольнай каманды Расіі "Амкал" — сустрэнуцца з прыхільнікамі ў спецыяльна азначанай зоне каля галоўнай трыбуны. У праграме — сумесныя здымкі і карткі з аўтографамі!