АКТЫЎНАСЦІ НА МАТЧЫ "ДЫНАМА-МІНСК" — "ЭНЕРГЕТЫК"-БДУ
Сёння ўвечары "бела-сінія" ў межах 9-га тура чэмпіянату краіны-2023 ў найвышэйшай лізе ў родных сценах прымуць землякоў з "Энергетыка"-БДУ. Пачатак супрацьстаяння на Нацыянальным алімпійскім стадыёне "Дынама" — у 19.00.
Запрашаем заўзятараў прыходзіць загадзя — і традыцыйна рыхтуем вялікую праграму для цікавага баўлення часу.
ЗОНА АКТЫЎНАСЦІ "ДЫНАМА"
Прадэманструйце свой тэхнічны ўзровень у тэкболе, надзіманым футболе, згуляйце міні-паядынак у кікер. Плюс зрабіце маментальны здымак у брэндаванай фотабудцы.
А малышам прапануем пакруціць педалі на роварах.
ФУДКОРТ
Шмат хто ацаніў па заслугах пункт грамадскага харчавання ад мітэрыі CHUCK. Правільны выбар! Наведвальнікаў чакаюць разнастайныя закускі і напоі па даступных цэнах.
РОЗЫГРЫШ ПРЫЗОЎ
На тэрыторыі арэны справа ад гістарычнай аркі размесціцца палатка, якая гандлюе клубнай атрыбутыкай і сувернірнай прадукцыяй. Візіт туды — першы крок да таго, каб стаць уладальнікамі класных падарункаў ад партнёраў ФК "Дынама-Мінск".
Купляйце і трымайце пад рукой афіцыйныя матчавыя праграмкі. З іх дапамогай у перапынку сустрэчы будуць вызначаны тры шчасліўчыкі, якія атрымаюць мясны бокс ад Маладзечненскага мясакамбіната, стыльны заплечнік ад брэнда "Рэчыцкае" і гульнявую майку "бела-сініх".
ДЫНАМОША
З дружалюбным і вельмі мяккім маскотам можна паабдымацца, патанчыць, сфатаграфавацца — зарад станоўчых эмоцый гарантаваны!
