Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Выязны паядынак у Брэсце (3:1) аказаўся для Душана БАКІЧА юбілейным — 50-м за сталічнае "Дынама" ў чэмпіянатах Беларусі.
У гэтым турніры чарнагорскі форвард дэбютаваў у складзе нашай каманды 18 сакавіка 2022-га— у пераможным гасцявым дэрбі з "Мінскам" (1:0).
Адзначым, што зараз у актыве 24-гадовага футбаліста — 17 галоў і 13 асістэнцкіх балаў у матчах найвышэйшай лігі за "бела-сініх".
