Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ПЯЦЁРА "БЕЛА-СІНІХ" — У СІМВАЛІЧНАЙ ЗБОРНАЙ 28-ГА ТУРА

14.11.2023

Асацыяцыя "Беларуская федэрацыя футбола" апублікавала сваю версію "каманды тыдня" па выніках 28-га тура чэмпіянату краіны-2023 ў элітным дывізіёне.

Амаль палову складу — пяць гульцоў з адзінаццаці (!) — сфармавалі прадстаўнікі мінскага "Дынама", якое парадавала заўзятараў буйной дамашняй перамогай над "Смаргонню" з лікам 7:0.

Выбранымі аказаліся абаронцы Раман БЕГУНОЎ (выніковая перадача) і Сяргей ПАЛІЦЕВІЧ (трапны стрэл), хаўбек Данііл ЗОРЫН (два забітых мячы), нападнікі Іван БАХАР (асістэнцкі хет-трык) і Ўладзіслаў МАРОЗАЎ (пара галоў + пас).

Адзначым, што для Паліцевіча гэта 6-е ў сезоне ўключэнне ў сімвалічную зборную (таксама пасля 1-га, 5-га, 9-га, 16-га і 23-га), для Бегунова — 5-е (пасля 8-га, 16-га, 20-га і 25-га), для Зорына — 4-е (пасля 21-га, 24-га і 27-га), для Марозава — 4-е (пасля 1-га, 2-га і 7-га), для Бахара — 3-е (пасля 20-га і 27-га).