"ДЫНАМА-МІНСК" — "СМАРГОНЬ": ІНФАРМАЦЫЯ АБ МАТЧЫ

У суботу, 11 лістапада, Нацыянальны алімпійскі стадыён "Дынама" (вул. Кірава, 8/6) прыме паядынак айчыннага элітнага дывізіёна-2023 — наша каманда пазмагаецца са "Смаргонню". Стартавы свісток прагучыць у 17.30.

КВІТКІ

Кошт — 5-10 (на трыбуны) і 30 (у VIP-ложу) рублёў. Набыць можна:

- праз Ticketpro

- у любым з пунктаў продажу кампаніі па ўсёй краіне

- у фан-шопе на Нацыянальным алімпійскім стадыёне "Дынама" (сектар D24, без выходных — з 11.00 да 20.00)

У дзень супрацьстаяння пакупайце квіткі ў касах ля гістарычнай аркі арэны — з 12.00 да 18.30.

Для прыхільнікаў "Смаргоні" выдзелены сектары В12 і В13.

НАДВОР’Е

Паслязаўтра ў цэнтры сталіцы будзе пахмурна, чакаюцца дажджы — пры тэмпературы +6+8 градусаў.

ДОПУСК ЗАЎЗЯТАРАЎ

У 16.00 адкрыецца ўваход на стадыён праз гістарычную арку з боку вул. Кірава.

Традыцыйная просьба: прыязджайце загадзя, каб пазбегнуць цяжкасцяў з праходжаннем на трыбуны.

ФОРМА

Падначаленыя Вадзіма Скрыпчанкі выйдуць на поле ў сініх майках і трусах (галкіпер — цалкам у чорным).

СУДДЗІ І АФІЦЫЙНЫЯ АСОБЫ

Прызначэнне на гульню атрымала брыгада арбітраў у такім складзе: галоўны — Дзмітрый Дзмітрыеў (Мінск), памочнікі — Дзяніс Емяльянчыкаў (Гомель) і Антон Палуянаў. Чацвёрты — Канстанцін Такарскі (абодва — Мазыр).

Інспектар матчу — Аляксандр Брайчэўскі (Орша).

Дэлегат АБФФ — Яўген Капылоў (Мінск).

ТРАНСЛЯЦЫЯ

У жывым эфіры сустрэчу пакажа тэлеканал "Беларусь 5". Гледачам з-за мяжы прапануецца назіраць за развіццём падзей дзякуючы Youtube-каналу АБФФ.

ДУБЛЁРЫ

Рэзервовыя склады высвятляць адносіны ў нядзелю, 12 лістапада, на стадыёне "Дынама-Юні" (вул. Вышалескага, 4А). Пачатак у 12.00.

Сачыце анлайн на Youtube-канале мінскага "Дынама".