"ДЫНАМА-БРЭСТ" — "ДЫНАМА-МІНСК": ІНФАРМАЦЫЯ АБ МАТЧЫ

У панядзелак, 6 лістапада, наша каманда працягне шлях па дыстанцыі айчыннага элітнага дывізіёна-2023 — і ў межах 27-га тура на выездзе пазмагаецца з аднаклубнікамі з паўднёва-заходняга абласнога цэнтра. Супрацьстаянне на АСК "Брэсцкі" (вул. Гогаля, 8) пачнецца ў 16.00.

КВІТКІ

Для заўзятараў "Дынама-Мінск" выдзелены сектары 1 і 2 Ўсходняй трыбуны.

Кошт квітка — 5 рублёў.

Для дзяцей да 14 гадоў, пенсіянераў і інвалідаў па прад’яўленні дакументаў — 2,5 рубля.

Для дзяцей да 7 гадоў у суправаджэнні дарослага — бясплатна, без права заняцця пасадачнага месца.

Набыць квіткі можна загадзя анлайн альбо ў дзень паядынку ў касах стадыёна з 11.00 да 16.45.

НАДВОР’Е

Паслязаўтра ў горадзе над Бугам будзе воблачна, не выключаны кароткачасовыя ападкі. Слупок тэрмометра прагрэецца да +10+12 градусаў.

ФОРМА

Войска Вадзіма Скрыпчанкі прымерыць белыя майкі і трусы (брамнік — цалкам у чырвоным).

СУДДЗІ І АФІЦЫЙНЫЯ АСОБЫ

Прызначэнне на сустрэчу атрымала брыгада арбітраў на чале з Аляксеем Кульбаковым, асістэнтамі якога стануць Дзяніс Емяльянчыкаў (абодва — Гомель) і Антон Палуянаў (Мазыр). Чацвёрты суддзя — Андрэй Мінінкоў (Брэст).

Інспектар матчу — Анатоль Сяднёў (Магілёў).

Дэлегат АБФФ — Аляксей Нерушкін (Мінск).

ТРАНСЛЯЦЫЯ

У жывым эфіры цікавую гульню пакажа тэлеканал "Беларусь 5". Гледачоў з-за мяжы — ласкава вітаем на Youtube-канале АБФФ.

ДУБЛЁРЫ

Рэзервовыя склады высвятляць адносіны ў аўторак, 7 лістапада, у Камяніцы-Жыровіцкай, на полі ВТБ "Чырвоны двор". Стартавы свісток прагучыць у 13.00.