Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ДАВАЙЦЕ РАЗАМ ДАПАМОЖАМ РЫЦЕ ЮШКЕВІЧ!

10.11.2023

Да стартавага свістка і ў перапынку суботняга паядынку "бела-сініх" са "Смаргонню" ўсе ахвочыя змогуць дапамагчы 3-гадовай Рыце Юшкевіч, якая пакутуе ад спінальнай мышачнай атрафіі II тыпу.

Для таго каб жахлівы дыягназ малышкі не стаў выракам, трэба вельмі шмат грошаў, якія рэальна сабраць толькі талакой. Просім не праяўляць абыякавасці і аказаць пасільную фінансавую падтрымку!

Валанцёры са скрынкамі для ахвяраванняў будуць чакаць адразу за ўваходам на тэрыторыю Нацыянальнага алімпійскага стадыёна "Дынама" праз гістарычную арку — з 16.00. Тады ж адкрыецца міні-кірмаш з таварамі ручной працы ад беларускіх майстароў-умельцаў — выручаныя сродкі потым перавядуць на дабрачынны рахунак для Рыты.

Зноў адбудзецца маментальная латарэя з адмысловымі квіточкамі коштам 5 рублёў. Галоўныя прызы — фірмовы спартовы заплечнік PUMA і мажлівасць па сканчэнні матчу сфатаграфавацца з любым футбалістам нашай каманды каля гульнявога поля.