Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
У суботу, 22 красавіка, наша галоўная каманда зноў парадавала сваіх заўзятараў, калі ў родных сценах адолела наваполацкі "Нафтан" — 3:1 у межах 5-га тура чэмпіяната краіны-2023 ў найвышэйшай лізе.
Прапануем яшчэ раз атрымаць асалоду ад самых цікавых імгненняў пераможнай гульні і антуражу паядынку дзякуючы відэа ад #ДынамаTV.
Прыемнага прагляду!
